Armina Mevlani e shijoi nga afër Javën e Modës në Milano. Fotot e saj në eventet dhe sfilatat më të rëndësishme në Itali, i bënë zili të gjithë vajzat shqiptare. E ndërkohë që Java e Modës në Milano ka kohë që ka mbaruar, ne ju ftojmë të shihni disa nga paraqitjet më të mira të Arminës.
Veshja e parë për “Milan Fashion Week” përputhet më mirë me personalitetin e Arminës, një paraqitje retro me syzet e viteve ’50 që e bëjnë edhe më interesant pamjen në tërësi.
Sportive dhe ekstravagante është veshja e dytë, një fustan Dsquared2 dhe syzet Dior që e kompletojnë edhe më tej paraqitjen.
“Syzet e diellit janë aksesorët e mi të preferuar dhe unë jam shumë selektive kur bëhet fjalë për to”, shkruan Armina në blogun e saj.
Ditën e tretë në Milano, Armina kaloi e veshur me një fustan Lorenzo Serafini, të ëmbël nga ngjyra dhe stili. Ai kombinohej me një palë çizme të zeza për t’i dhënë elegancë.
Veshja e katërt dhe më e veçanta ishte një fustan i Alexander Mcqueen, me aksesorin e rripit në bel që e bën edhe më interesante paraqitjen për Javën e Modës.
Burimi: Therebelheart.net
