Nisja e sezonit të ri televiziv është shoqëruar me largime dhe transferime të moderatorëve e aktorëve, nga programet ku i kemi parë prej vitesh.
Ndër ta edhe disa aktorë të Portokallisë si Bes Kallaku, Erion Isai, Florjan Binaj etj.
Ndonëse Florjani u rikthye, aktorët e tjerë nuk i kanë bërë ende të ditura projektet e radhës. E duke qenë se publiku është kurioz kanë filluar edhe aludimet se aktorët e larguar do t’i bashkohen “Al Pazar”.
Lidhur me këtë çështje një nga fansat e Ermal Mamaqit në “Facebook” i ka bërë një pyetje Agron Llakajt, i cili ishte i ftuar mbrëmjen e sotme në “Xing me Ermalin: “Ikja e ajkës nga Portokallia mos ka të bëjë me ndonjë ofertë për të ardhur ajka tek ty?”
“Jo, ajka tek mua është, s’ka çfarë të vijë”, u përgjigj Llakaj duke i dhënë fund thashethemeve.
Megjithatë një postim që ka bërë aktori Romeo Veshaj, në “Facebook”, të ngjall dyshime sa i përket aktorëve. Ai konfirmon praninë e aktorëve në sezonin e ri të Al Pazar që nis më datë 5.
