Donatella Versace ka marrë vendimin për të mos përdorur më pelushin e kafshëve në stilimet e saj.
Nuk dihet nëse ky vendim është marrë nga afërsia e tepërt që ka ajo me qenin e saj të dashur, Audrey, por një gjë është e sigurt. dizajnuesja i jep fund epokës së përdorimit të lëkurës së kafshëve në veshjet e saj.
Në një intervistë për Luke Leitch në revistën “The Economist”, Versace u shpreh:
“Gëzof? Unë jam jashtë kësaj. Nuk dua të vriten kafshë për të bërë modë. Nuk është e drejtë”.
Edhe pse markat e tjera kanë bërë deklarata anti-pelush, kohët e fundit, duke përfshirë Gucci, Tom Ford, Givenchy dhe Michael Kors, kjo është një lëvizje mjaft e guximshme që vjen nga një shtëpi mode që ka shmangur kryesisht çështjen deri më tani.
Donatella ka lëvizur drejt një agjende më të orientuar politikisht, shoqërisht të vetëdijshme në stinët e fundit, veçanërisht me rrobat e Pranverës 2018, në të cilat janë printuar fjalë të tilla si uniteti, besnikëria, guximi dhe dashuria.
