Kjo verë do të jetë pa diskutim vera e hiteve dhe presim surpriza të mëdha nga artistët shqiptarë.
Më të frymëzuar se asnjëherë më parë, këngëtarët e njohur të showbiz-it po sjellin projekte të reja që do të na shoqërojnë gjatë ditëve të nxehta, do të na sjellin në mood dhe do të na bëjnë të kërcejmë.
Së fundmi, “Iconstyle.al” ka mësuar se reperi shumë i dashur për publikun shqiptar, Capital T, ka bashkuar forcat me një tjetër reper të njohur.
Ai dhe Kidda po sjellin një bashkëpunim, madje xhirimet e videoklipit janë drejt fundit. Ende nuk dihet se cili do të jetë titulli i projektit, megjithatë kemi siguruar një pjesë të këngës së re dhe xhirimet e klipit.
Datë publikimi s’ka ende, por mezi po e presim!
Së fundmi, i ftuar në “Kurthin e Piter Pan”, Capital T u gjend në “kurthin” e vogëlushëve dhe iu përgjigj pyetjeve të tyre të sikletshme.
Dikush prej tyre nuk ja kurseu pyetjen për nusen e ardhshme, duke qenë se prindërit i kanë vënë kusht që brenda një viti të martohet. Reperi u shpreh se ai do të marrë kohën e tij për të gjetur njeriun e jetës, por nuk nguroi të pranonte se dikush ja ka rrëmbyer zemrën.
“Në fakt, kështu më kanë thënë, edhe një vit kohë, por unë them që ata kanë kohën e tyre, unë kam kohën time. Një vit apo një vit e gjysmë, drejt asaj rruge po shkojmë”, tha reperi teksa shoi se zemrën ia kanë rrëmbyer dhe se është rrugës për ta konsoliduar lidhjen e dashurisë.
Gjithashtu ai tha se nuk preferon të flasë shumë për jetën e tij private, sepse gjërat më të shtrenjta preferon t’i mbajë vetëm për vete.
