Pas pamjeve që publikoi kryeministri Edi Rama nga tregu i Kombinatit, ku pati një dyndje qytetarësh për të bërë pazar të shtunën, janë forcuar masat me rregulla të reja.
Nëse do të bësh pazar sot në Kombinat, hyrja mund të bëhet vetëm përmes një postblloku dhe kushdo që hyn në treg dezinfektohet, një më një.
ABCNews raporton se tregu është me një kalim, pra futesh nga një vend, dhe del në një vend tjetër, si një rrugë njëkalimshe.
Asnjë nga qytetarët nuk është lejuar të hyjë në treg pa maskë dhe doreza, ndërkohë që personat që kanë qenë pa këto masa janë pajisur nga punonjësit e bashkisë me mjetet e mbrojtëse.
Gjithashtu bëhet një kontroll i imtësishëm për lejen e marrë përmes aplikacionit e-albania për të lëvizur në këto fasha oraresh.
Kreu i qeverisë ka bërë me dije se nga sot, policia dhe ushtria do të krijojnë kordonë sanitarë për blerësit në tregje. Nëse nuk respektohet distanca, atëherë do të ketë ndëshkime deri në heqje lirie.
