Rrjetet sociale janë gjithmonë në ndryshim, pavarësisht se mund të ndikojnë mirë apo jo në jetën e secilit prej nesh. Tashmë faqja më e madhe e videove, “YouTube” , njoftoi një ndryshim të madh në mënyrën e funksionimit të saj.
Mediat e huaja raportojnë se do të heqë reklamat e bezdisshme 30sekondëshe, që më parë nuk mund të hiqeshin manualisht, por duheshin parë, në rast se donit të vazhdonin me shikimin e videos, për të cilën ishit të interesuar.
Lidhur me ndryshimin, “YouTube” njoftoi: “Kemi vendosur të ndërpresim përkrahjen e reklamave që nuk hiqeshin për 30 sekonda, që nga viti 2018 dhe të punojmë në formatet që i përshtaten edhe përdoruesve edhe reklamuesve”.
Kujtojmë se përdoruesit u lëshuan me shumë ankesa ndaj “Google”, pasi reklamat, në aplikacionin e faqes për versionin në telefon ishin të padurueshme.
