Skocia është shteti i parë në botë që do t’i ofrojë falas produktet menstruale, si lines dhe tamponë, për të gjitha vajzat që kanë nevojë për to. Parlamenti skocez votoi unanimisht për ligjin, që detyron qeverinë të hartojë një skemë për të siguruar produktet dhe për t’ua imponuar këtë kërkesë institucioneve të tjera publike.
Ky ligj thotë se shkollat, kolegjet dhe universitetet duhet t’i ofrojnë produktet menstruale në tualete falas. Qeveria skoceze dhe disa autoritete lokale i kishin siguruar këto produkte falas në shkolla prej kohësh, por tashmë kjo është një kërkesë ligjore që duhet zbatuar me patjetër.
Ky legjislacion u krijua për të frenuar varfërinë nga periodat, që ndodh kur vajzat/gratë nuk mund të përballojnë blerjen e produkteve menstruale për të cilat kanë nevojë çdo muaj.
“Fushata është mbështetur nga një koalicion i gjerë, duke përfshirë sindikatat e tregtisë, organizatat e grave dhe organizatat bamirëse,” tha Monica Lennon, ligjvënësja që prezantoi projekt-ligjin vitin e kaluar, përpara votimit. Ajo u shpreh se ky vendim është një sinjal për botën se mund të arrihet shumë lehtë sigurimi i produkteve menstruale falas.
Because periods don’t stop in a pandemic, we didn’t give up. The final vote on the Period Products (Free Provision) (Scotland) Bill is on Tuesday. 💪🩸#freeperiodproducts
Thank you to every single person who has made this possible. ❤️
Latest news 👉https://t.co/jEmCiyjLe1 pic.twitter.com/fe5TFYrsOP
— Monica Lennon MSP (@MonicaLennon7) November 22, 2020
Sipas vlerësimeve nga qeveria skoceze, kostoja për të zbatuar legjislacionin do të jetë rreth 24 milion £ në vit (pothuajse 32 milion dollarë). Organizata jofitimprurëse në Mbretërinë e Bashkuar e ka cilësuar si një votë historike. Sipas një studimi të kryer në vitin 2017-të u zbulua se 1 në 10 vajza në Mbretërinë e Bashkuar nuk mund t’i blinin produktet menstruale, ndërsa 1 në 7 vajza kishin probleme me sigurimin e tyre.
