Me rastin e festave të 28 dhe 29 nëntorit, moderatorja Luana Vjollca e cila do të na shoqërojë në ekran me emisionin e saj “Shiko Kush Luan”, ka përgatitur edhe një surprizë për publikun.
Siç ka treguar edhe më herët, ajo do të performojë live në skenë, ndërsa sot na ka treguar më shumë detaje për performancën e saj.
Luana ka treguar se Bledar Sejko këmbëngul që ajo të këndojë live dhe gjejeni pak çfarë kënge? Për Shqipërinë!
“Maestro Bledar Sejko këmbëngul pafund që unë të këndoj liveee! Të shtunën në “Shiko Kush Luan” ju pret një super surprizë! Një këngë live dedikuar Shqipërisë sime!”- shkruan Luana, e cila gjithashtu ka publikuar videon e saj gjatë provave.
“Emocione”- shkruan Luana krahas videos ku zbulon këngën që do të këndojë.
Ndonëse “Shiko kush luan” po i merr goxha kohë dhe energji, nisur edhe nga super suksesi që po korr, ajo sërish ka gjetur pak kohë për në studio, ku mesa duket po punon për një projekt të ri.
Ishte vetë Luana që postoi disa video në llogarinë e saj në Instagram disa ditë më parë, duke zbuluar surprizën të cilën deri tani e kishte mbajtur të fshehtë.
Luana po sjell një këngë të re, vijën melodike të së cilës e ka shkruar vetë për herë të parë.
View this post on Instagram
E teksa Luana na la ende në kuriozitet një detaji po na bën të mendojmë se ajo do vijë në një bashkëpunim. Dhe nuk po flasim për një emër dosido, por për Guaynaa.
“iconstyle.al” vuri re disa ditë më parë se reperi nga Puerto-Rica ka filluar të ndjekë Luanën në Instagram, e po ashtu edhe ajo.
Guaynaa është i njohur për mega hitin “ReBoTa”, e cila u bë kënga e tij e parë që arriti në “Billboard Hot Latin Song” në prill, 2019.
Kjo këngë numëron jo pak, por 417 milionë klikime.
Ndërkohë, jo më pak i sukseshëm rezultoi bashkëpunimi i tij me Lele Pons “Se te nota”, i publikuar 2 muaj më parë.
Kënga ka bërë xhiron e rrjetit dhe numëron 156 milionë klikime.
Mesa kemi parë në rrjetet sociale dhe në “Shiko kush luan”, moderatorja i pëlqen shumë këto këngë pasi i luan shpesh dhe duhet ta pranojmë se një bashkëpunim mes tyre do ishte WOW.
Megjithatë, duhet ende të presim që zërat të konfirmohen nga vetë ajo, ose të mohohen.
