Rob Kardashian dhe Blac Chyna mësuan se ata po presin një vajzë, pasi bënë të ditur për herë të parë gjininë e fëmijës së tyre në sezonin premier të “reality-show”-t të ri, të dielën.
29-vjeçari Kardashian shprehu preferencën e tij për një djalë, para se të mësonte se po priste një vajzë me të fejuarën 28-vjeçare.
“Rob, është vajzë”, zbuloi Chyna, e cila ka një djalë nga marrëdhënia me reperin Tyga, të quajtur King Cairo.
Menjëherë pas kësaj Rob ndryshoi tërësisht qëndrimin dhe tha që ishte i lumtur dhe gjithçka donte ishte një fëmijë i shëndetshëm. Dhe natyrisht si çdo gjë tjetër në familjen Kardashian, as kjo nuk i shpëtoi dot rrjeteve sociale.
Ndërsa, klani Kardashian-Jenner nuk ngurroi që të bënte urimet në rrjetet sociale.
Burimi: Daily Mail
