DJ-i suedez Avicii ndërroi jetë në Oman të premten dhe tani raportet e marra nga autopsia heqin dyshimet për ndonjë vrasje.
“Janë kryer dy autopsi dhe kemi konfirmuar absolutisht se nuk ka dyshime kriminale për vdekjen e tij”, tha një burim zyrtar.
Shkaku i vërtetë i vdekjes së artistit pritet të mësohet gjatë kësaj jave, ndërohë që familja e tij ka udhëtuar drejt Omanit për të kthyer në shtëpi trupin e pajetë.
Vdekja e 28-vjeçarit u konfirmua në një deklaratë nga publicistja e tij:
“Me hidhërim të thellë njoftojmë ndarjen nga jeta të Tim Bergling, i njohur edhe si Avicii. Ai u gjet i vdekur në Muscat të Omanit, pasditen e të premtes. Familja është e shkatërruar nga ky lajm, ndaj kërkojmë me përulje respekt maksimal për nevojën e tyre për privatësi, në këtë moment tejet të vështirë. Të paktën për momentin nuk do të jepen më informacione apo deklarata”.
Të gjithë personat që përfshihen në industrinë e muzikës u bashkuan me hidhërimin e familjes, ndërsa ish-e dashura e tij Emily Goldberg postoi një mesazh emocionues në “Instagram”.
Ndërkohë, në Suedi kanë nisur homazhet nga fansat në nder të një prej talenteve më të mëdha të muzikës elektronike.
Burimi: Cosmopolitan
