Edhe një muaj i ka mbetur Emina Cunmulajt, para se të sjellë në jetë fëmijën e saj të dytë me bashkëshortin Sam Nazarian.
Por modelja shqiptare duket se nuk po i kalon mirë këto ditë.
Gjendja e saj shëndetësore në prag të lindjes nuk është e mirë dhe këto momentet e vështira që po kalon, Emina i ndan çdo ditë me ndjekësit në Instagram.
Së fundmi ajo e ka publikuar një foto ku shihet teksa po ha një pjatë supë të ngrohtë.
“Dita e tretë”, shkruan ajo me një emoji të sëmurë ndërsa në një foto të dytë shohim disa shami për rrufën.
Emina do të bëhet nënë për herë të dytë. Ajo ka një vajzë 2 vjeçe që quhet Ella, ndërkohë që ende nuk e ka treguar gjininë e fëmijës që po pret.
