20-vjeçarja shqiptare, Anxhela Meçani, e cila ndërroi jetë të dielën në Moncalieri, nuk ishte dhunuar siç ishte raportua nga policia në fillim të hetimeve.
Sipas raporteve të autopsisë së saj, Anxhela u përplas nga një makinë, shkruan media italiane “La Sesia”. Mjeku Roberto Testi që realizoi edhe autopsinë doli në këtë përfundim.
Përplasja duket se ka ndodhur në vendin ku është gjetur edhe viktima, e cila ndërroi jetë më vonë në spital.
Jo vetëm kaq, ekzaminimi i autopsisë zbuloi se nuk u gjetën shenja të dhunës së ushtuar ndaj 20-vjeçares shqiptare.
Mediat italiane kanë shkruar se e reja punonte si prostitutë, ndërsa kishte pak muaj që ishte divorcuar nga bashkëshorti i saj.
Burimi: La Sesia
