Media shqiptare kohët e fundit është shoqëruar nga disa largime të bujshme, të cilat janë pasuar me komente të shumta. Figura të njohura janë shkarkuar apo detyruar në mënyrë indirekte të lënë pozicionet e tyre të punës, me të cilat publiku shqiptar ishte mësuar t’i identifikonte prej vitesh.
Jonida Shehu dhe Sokol Balla janë dy largimet më të fundit nga ekrani i “Top Channel”. Së fundmi ka ndodhur edhe një largim tjetër i bujshëm. Bëhet fjalë për gazetaren Rudina Xhunga, e cila ishte autore dhe drejtuese e emisionit “Dritare” në “Vizion Plus”, në të cilin punoi për më shumë se 2 vjet.
Gazetarja ende nuk ka dhënë asnjë shpjegim për këtë largim të papritur nga “Vizion Plus” dhe nuk dihet nëse bëhet fjalë për mbylljen e emisionit “Dritare”, apo transferimin e tij në një televizion tjetër.
