Meghan Markle ka treguar se ka bërë gjithmonë një stil jete të shëndetshme, pavarësisht angazhimeve të ndryshme.
Por sipas dukeshës, çelësi i një jete të shëndetshme është fokusimi në dashurinë për veten, fitness-in dhe përkujdesjen e përkryer të gjendjes mendore.
Në një intervistë për “Women’s Health” kohë më parë, Meghan zbuloi saktësisht sesi kujdeset për një jetesë të shëndetshme.
1.Meditimi vjen në forma të ndryshme
“Vrapimi ka qenë gjithmonë forma ime e meditimit, të cilën e shijoj sepse më lejon të dalë nga mendja ime. Gjithashtu punoj me një trajner personal, Craig McNamee, kur filmoja “Suits” në Toronto”.
2.Shko në palestër me miqtë
Ajo pëlqenta të bënte stërvitje bashkë me mikeshën e saj Millie Macintosh.
3.Praktiko joga nën dritën e qirinjve
“Nëna ime ishte instruktore joge, kështu që kjo praktikë është në gjakun tim. Unë e dua një klasë intensive joge, për më tepër kur bëhet në një dhomë të errët me qirinj”, tha dikur Meghan. Ajo ka treguar se vazhdon ta praktikojë dhe gjatë shtatzënisë jogën.
4.Dashuro karakteristikat tuaja unike
Për dikë që u rrit duke urryer qukat e saj, ajo pranoi se ato tani janë tipari i saj i preferuar: “I dashuroj”. Madje ndaj zgjedh një makijazh sa më natyral.
5.Gjeni kohë për veten
“I jap vetes luksin e kohës joproduktive. Jemi të gjithë kaq të zënë dhe duke u marrë me kaq shumë gjëra, por unë gjithmonë marr një orë kohë për të ulur presionin, shoh televizior pa e pasur mendjen, rri me qentë e mi dhe shijoj një gotë verë. Kjo e gjitha është pjesë e investimit. Është një balancim”, këshilloi në atë kohë aktorja Meghan.
6.Mos bë kompromis mbi shëndetin
Një gjë për të cilën Markle nuk negocion është: “Merr frymë. Me ngadalë dhe me ndjenjë”.
7.Mendo sesa mirë do të ndihesh pas ushtrimeve
“Shëndeti im, gjendja ime mendore, ndjenja që ke pas ushtrimeve; të gjitha këto gjëra më shtyjnë që të shkoj në palestër. Ndonjëherë ideja e ushtrimeve ngjan e tmerrshme, por gjithmonë i kujtoj vetes se sa mirë do të ndihem pas tyre. Pothuajse euforike!”, shprehej Meghan.
Burimi: Harper’s Bazaar
