Profesoresha e Universitetit të Oksfordit, Sarah Gilbert, drejton një kërkim të avancuar në Britaninë e Madhe për vaksinën kundër Covid-19.
Në një intervistë për “The Times”, ajo u shpreh se grupi i saj i studiuesëve ka arritur të krijojë një vaksinë e cila mund të luftojë virusin.
Gilbert pranon se punon që vaksina të jetë gati në muajin shtator.
Shumica e ekspertëve të industrisë shprehen se një vaksinë mund të marrë 18 muaj që të zhvillohet dhe të shpërndahet globalisht, megjithatë profesoresha mendon se mund të proçedohet më shpejt.
Në mënyrë që vaksina të shpërndahet në vjeshtë, profesoresha thotë se qeveria do të duhet të fillojë prodhimin përpara se të provohet se vaksina funksionon me të vërtetë.
Gilbert u shpreh se është 80% e sigurt për suksesin e saj, duke u bazuar në gjëra të tjera që kanë bërë me këtë vaksinë.
