Propozimet për martesë në publik mes qindra njerëzve po kthehen gjithmonë e më shumë në trend. Dikush ka pasur fatin të marrë një propozim live në emision, dikush tjetër në mes të një koncerti, apo dhe në mes të një stadiumi sikurse ndodhi së fundmi me futbollistin Massimiliano Peseti.
Ai i propozoi për martesë të dashurës së tij Micol në mes të stadiumit përpara derbit ndaj Pro Paicenza-s.
Fillimisht në stadium u shfaqën disa fëmijë të cilët mbanin të veshur bluza me nga një shkronjë të fjalisë ku shkruhej: “Dëshiron të martohesh me mua Micol?”.
Më pas bomberi i Piacenza-s ka vrapuar drejt të dashurës, e cila ishte ulur në tribunë. E surprizuar, Micol ka vrapuar gjithashtu drejt të dashurit dhe e ka përqafuar dhe puthur. Futbollisti është ulur në gjunjë dhe me një unazë në dorë i ka propozuar për martesë.
Përgjigjia e Micol natyrisht që ishte “Po”. Ajo e ka ndarë këtë moment emocionues edhe me fansat e saj në Instagram.
