Mësuesja e shkollës “Sotir Çapo” në Zharrës Julinana Dine, është pezulluar nga puna nga Drejtoria Arsimore Rajonale Fier si dhe po meren masa për largimin e saj, pas publikimit ë të video skandalit të publikuar nga emisioni “Fiks Fare”.
DAR bën të ditur se kanë dërguar edhe një grup të shërbimit psiko-social për të ndjekur nga afër gjëndjen psikologjike të nxënësve të kësaj klase dhe për të parë nëse ka raste të tjera dhune në shkollën “Sotir Çapo”.
Në video, mësuese Juliana shfaqet duke iu drejtuar nxënësve me fjalët “zhuls”, “qafëpalarë” e duke ushtruar dhunë mbi ta. Nëpërmjet një komunikimi për shtyp, DAR Fier shpreh indinjatën institucionale për gjuhën e përdorur nga kjo mësuese në komunikimin me nxënësit dhe prindërit e nxënësit.
