Me këto rrezet e para të diellit që paralajmërojnë pranverën, ndonëse jam ende e mbështjellë me pallto, mendjen e kam vetëm në një vend: PLAZHI!
Dhe bashkë me këtë dëshirën e madhe për të veshur më në fund rrobat e banjës e për t’u shtrirë në shezlong për të marrë ca rreze dielli, vjen dhe një shqetësim po aq i madh.
Ndonëse jam relativisht “peshë e lehtë”, prej vitesh më përndjek ai makth që quhet celulit dhe pas një dimri ku kam ngrënë ç’më ka dashur qejfi dhe stërvitja ime e vetme ka qenë rruga nga shtëpia në punë e anasjelltas, gjërat duket se janë përkeqësuar disi dhe shqetësimin e vërtetë po e ndjej vetëm tani, që vera është 3 muaj larg.
Nisur nga eksperienca e viteve të kaluara, kam arritur në përfundimin se palestra e vazhdueshme ndihmon disi në minimizimin në pamje të celulitit, por pa ndonjë rezultat mbresëlënës, ndaj prej disa javësh, kam kërkuar dëshpërimisht për një trajtim efektiv kundër celulitit dhe më në fund, një shoqe më sugjeroi atë që mendoj se do të jetë shpëtimi im dhe i kujtdo që ka të njëjtin hall me mua.
Bëhet fjalë për linjën italiane të produkteve kundër celulitit “Guam”, që siç u shpreh tekstualisht shoqja ime, “ia sheh rezultatin që në trajtimin e parë”. Me gjithë skepticizmin që kam në përgjithësi për produktet kozmetike që pretendohet se bëjnë mrekullira që në aplikimin e parë, vendosa të bëj një kërkim të vogël në internet dhe u ndjeva një injorante e vërtetë që emrin “Guam” po e dëgjoja për herë të parë vetëm në 2019-ën. Produktet e kësaj linje që kanë përbërës bazë algat Guam të bregdetit francez dhe argjilën, përdoren në disa prej SPA-ve më prestigjioze si ajo e “Harrods” në Londër (më luksoze se kaq nuk bëhet).
Pa mbyllur mirë laptop-in, rrëmbeva çantën dhe u nisa për të vënë në jetë misionin tim anti-celulit. Siç më shpjegoi mikesha ime, kremi gjendet në farmacitë më të mëdha në Tiranë, por për të marrë udhëzimet më të mira për kombinimin e produkteve, u drejtova tek “Gerta SPA” në rrugën “Myslym Shyri”, që përveçse bën trajtime profesionale me produktet e “Guam”, ka dhe ekskluzivitetin për distribucionin e kësaj linje në Shqipëri. Pas një bashkëbisedimi me Gerta Lumin, drejtuesen e qendrës dermoestetike, në lidhje me produktet specifike që më nevojiteshin, përzgjodhëm së bashku 4 produkte të “Guam” për ta luftuar armikun nga të gjitha anët.
I pari, është balta “Dren Plus” që aplikohet në këmbë, vithe por edhe krahë dhe që kryen një drenazh të lëngjeve të tepërta në zonat që kanë prani celuliti duke sjellë si rezultat lëkurën e lëmuar që ëndërrojmë të gjitha.
Trajtimi me baltë ndiqet nga një scrub i gjalptë gjithashtu me efekt drenazhues. I pasuruar me kripë deti, ky scrub eleminon qelizat e vdekura dhe rigjeneron lëkurën nëpërmjet vajrave që e ushqejnë atë dhe i rikthejnë shkëlqimin e humbur.
Produkti i tretë dhe padyshim një prej produkteve më interesantë që më kanë zënë sytë, është balta termike për t’u përdorur në dush, që praktikisht e ndjen teksa funksionon. Kjo baltë fërkohet në zonat problematike për 3 minuta dhe çliron nxehtësi intensive në lëkurë, që shpërbën qelizat dhjamore.
Por për të luftuar celulitin, nuk mjafton vetëm trajtimi nga jashtë. Bashkangjitur me baltat dhe scrub-in, Gerta më sugjeroi dhe suplementet “Britannia Dren Plus” që treten në ujë për t’u konsumuar përgjatë ditës dhe që ndihmojnë në çlirimin e lëngjeve të tepërta që trupi grumbullon veçanërisht në zonën e vitheve dhe kofshëve.
Kështu me çantën plot dhe portofolin pakëz më bosh, u largova nga qendra, por të paktën e qetë sepse të gjitha çmimet korrespondonin me ato të faqes zyrtare të “Guam”. Me të mbërritur në shtëpi, si gjithnjë e paduruar për të provuar çdo gjë që kisha blerë, futem në dush për të bërë testin e parë dhe gjëja që më mrekulloi ishte aroma e produkteve thjesht e adhurueshme, ndryshe nga baltat e tjera që kisha përdorur. E kuriozuar në maksimum, e nisa me baltën termike dhe u binda për faktin që s’ka bukuri pa pak dhembje. Ajo çështja e nxehtësisë ishte realisht e vërtetë dhe mezi prita 3 minuta për ta shpëlarë, e çliruar nga ana tjetër për faktin se veprimi i saj vërtet ndihet në lëkurë.
Në ditët në vijim testova të gjitha produktet dhe sot bëj fiks 2 javë që nga dita e parë e trajtimit. Rezultati: I pabesueshëm për këdo që nuk e ka provuar! Kofshët dhe vithet e mia janë dukshëm më të lëmuara se më parë aq sa nuk më besohet se janë të miat. Lëkura në zonat ku kam aplikuar trajtimin gjithashtu është më e tendosur dhe mendoj se për rikthimin e atij shkëlqimit natyral, ka meritë të veçantë scrub-i i gjalptë me kripë deti, që për më tepër me aromën fantastike më bën të duket sikur jam realisht në ndonjë parajsë tropikale. Dhe kur ky ndryshim i dukshëm ndodh për dy javë, e imagjinoni dot ç’mund të bëhet deri në fillim të verës?
Më falenderoni në mendje kur ta provoni!
