Duke ndjekur hapat e fëmijëve të tjerë të famshëm, vajza e Uma Thurman dhe Ethan Hawke, Maya Thurman-Hawke, është ylli më i ri i “Hollywood”-it që hyn në industrinë e modelingut.
Këtë shtator, u zbulua se 18-vjeçarja është imazhi i ri i markës britanike “All Saints”, si dhe ajo u shfaq njëkohësisht në fushatën Pranverë 2017 dhe në filmin shoqërues të modës të titullar “Far From Here”, ku ajo vapron mes pyllit në vendlindjen e saj Woodstock, Nju-Jork.
Aktualisht një studente në Shkollën Juilliard në Nju-Jork, Maya ka bërë disa paraqitje në tapetin e kuq me nënën dhe babanë e saj, ndërsa u shfaq e vetme si muza e Zac Posen në ceremoninë e CFDA Awards 2015. Prej atëherë ajo ka prerë flokët dhe ka luajtur një rol në filmin e ardhshëm, “Get Lost”, i cili do të shfaqet vitin e ardhshëm.
Babai i saj, Ethan Hawke, tha për “E! News” në Festivalin Ndërkombëtar të Filmit në Toronto se, ajo nuk po modelon apo aktron për famë.
“Ajo bëri rolin e modeles në mënyrë që të mos më kërkonte mua para. Ajo po studion për aktrim dhe mendoj se duket shumë e bukur, (në videon e “All Saints”), por ajo për të cilën jam më krenar është bukuria e saj e brendshme, sepse ajo është vërtetë”, tha Hawke.
Pra, pavarësisht nga prindërit e saj të famshëm dhe të ardhmen e ndritur, Thurman-Hawke mund të jetë pasardhësja më me këmbë në tokë që hyn në biznesin e medias.
Burimi: W Magazine
