Vogëlushja e Nora Istrefit, Renee e ka treguar se ka gjak artisteje që tani në fëmijëri. Ajo po pushon me familjen në Turqi dhe po shijon aq shumë pushimet sa shkon edhe në “club” me prindërit.
Mbrëmjen e djeshme, Nora, Roberti, Era dhe Renee kanë qenë një festë dhe shpirti i vërtetë i festës ka qenë pikërisht vogëlushja. Në një video që Nora ka postuar në Instastory, Renee shfaqet duke kërcyer në mes të pistës ndërkohë që të gjithë të pranishmit kanë formuar një rreth afër saj dhe filmojnë me celularë.
Në sfond dëgjohet zëri i Robertit, i cili përgëzon së bijën e cila duket se e shijon çdo tingull të muzikës në sfond. Vogëlushja ka rrëmbyer vëmendjen e të gjithëve e nuk do të çuditeshim nëse në një të ardhme edhe Renee do të ndiqte shembullin e prindërve të saj.
