Janë të domosdoshme dhe pa to nuk mund të dalim nga shtëpia. Pavarësisht se kemi një sirtar plot me to, prapë nuk jemi të sigurta që po përdorni reçipetat që i përshtaten formës tonë të gjoksit. Sipas studimeve të ndryshme, 7 në 10 femra në botë përdorin çdo ditë reçipetat e gabuara duke vënë në rrezik shëndetin e tyre: qëndrim i gabuar dhe lakim të shtyllës kurrizore dhe inflamacion të lëkurës. Ja si të zgjidhni reçipetat e duhura:
1.Gjoksi pikë loti
Gjinjtë në formën e pikës së lotit kanë të njëjtën formë siç e tregon edhe vetë emri i tyre. Nëse keni gjoks të rrumbullakët por jo shumë të plotë, atëherë i përkisni kësaj kategorie. Mund të përzgjidhni mes reçipetave të mëposhtme.
2.Gjoksi i rrumbullakët
Femrat me gjoks të rrumbullakët mund t’i lejojnë vetes çdo lloj modeli reçipetash, edhe pse ekspertët e veshjeve intime rekomandojnë të evitoni reçipetat me mbushje push-up.
3.Gjoksi ”veri-jug”
Termi mund t’ju duket i çuditshëm, por shumë ekspertë përdorin këtë togfjalësh për t’iu referuar gjinjve që janë relativisht të distancuar nga njëri-tjetri. Ju këshillojmë të përdorni reçipeta në formë t-shirt që i ngrenë lart dhe i mbajnë të bashkuar.
4.Gjoksi i vogël
Shumë femra ndihen më pak femra pasi kanë gjinj të vegjël, por ky nuk është aspak një problem që duhet t’ju shqetësojë, mjafton të dini të blini e përdorni reçipetat e duhura.
5.Gjoksi kambanë
Në qoftë se jeni në kërkim të reçipetave të duhura për gjoksin në formë kambanë, zgjidhni midis modeleve të mëposhtme në mënyrë që t’i mbajnë gjinjtë brenda.
