Regjisorja Inis Gjoni i është rikthyer angazhimeve të saj profesionale. Karriera e saj artistike pësoi një pauzë të gjatë për shkak të angazhimeve me rritjen e vajzë Coco Antonel. Tashmë që Coco është rritur , Inisi nisi projektet e reja pranë teatrit dhe sezon pas sezoni, shfaqje pas shfaqje, edhe orët mungesë në shtëpi janë bërë natyrshëm pak më të gjata.
Coco Antonel tashmë ka filluar të ndjekë nga afër edhe provat e mamit dhe trupës në skenën e teatrit. Por ajo që bie në sy përmes kësaj videoje që regjisorja ka publikuar në profilin e saj është familjariteti i Coco-së me skenën, aq sa të jep përshtypjen se kjo është vërtet një shtëpi tjetër për të.
Siç shihet, Coco është duke vrapuar nga salla drejt skenës gjatë provave të shfaqjes “Çifti i çuditshëm”. E gjithë loja e saj në këtë trajektore është krejt e natyrshme dhe fëminore, por mesazhi i mamit na bën të mendojmë më shumë se aq: “Me vrap rreth skenës para se të fillojë shfaqja. Një skenë ku vetë nesër, do të jetë shumë e dashur për të”, – shkruan Inisi pas kësaj videoje.
Inisi nuk ka dyshime që skena e teatrit do të jetë e dashur për Coco Antonel. Dëshira për të qenë edhe ajo pjesë e lojës mund të kuptohet lehtësisht që tani. Nuk është herët të thuash që tani që Coco, do të jetë artiste pa asnjë dyshim.
