Beyonce tërhoqi sërish vëmendjen ndërsa u shfaq për herë të parë në MTV Video Music Awards, me princeshën e saj 4-vjeçare Blue Ivy.
Vajza e vogël e këngëtares bëri paraqitjen e saj të parë në tapetin e kuq dhe më të mrekullueshmen, vetëm se Blue Ivy ishte pak e ndrojtur teksa qëndronte pas figurës së nënës.
Beyonce, e cila performoi gjatë shfaqjes, u shfaq me një fustan bojëqielli pastel të dukshëm, me pupla dhe temina, por Blue Ivy ishte një princeshë e vogël me fustanin e saj 10,950 dollarësh nga Mischka Aoki ngjyrë rozë pastel. Fustani ishte me dy copa të ndryshme, tyl në pjesën e poshtme dhe saten të zbukuruar me lule në pjesën e sipërme. Ndërsa si aksesor mbante një kurorë me diamante.
Flokët i kishte të kombinuara me nënën e saj Beyonce, të modeluara me dy gërsheta, ndërsa këngëtarja u shfaq me një fustan nga koleksioni Vjeshtë 2016 i Francesco Scognamiglio.
Në 2014-n Blue Ivy tërhoqi vëmendjen kur prezantoi nënën e saj të famshme me çmimin “Michael Jackson Video Vanguard Award”, të cilin në ceremoninë e djeshme e fitoi Rihanna.
Këtë vit, Beyonce ndoshta mendoi se Blue Ivy ishte gati për të bërë paraqitjen e saj të parë në tapetin e kuq. Por faktikisht, 4-vjeçarja u tremb dhe nuk u shfaq aspak e emocionuar, për këtë Beyonce e shoqëroi në prapaskenë.
*Shfleto galerinë
Burimi: Daily Mail
