Dy këngëtaret e njohura shqiptare Rita Ora dhe Bebe Rexha ishin pjesë e mbrëmjes prestigjioze të ndarjes së çmimeve MTV Video Music Awards 2016, që u mbajt dje në Nju Jork.
Mbrëmja më e veçantë ka qenë për Beben, e cila u ngjit për herë të parë këtë vit, në skenën e MTV pas suksesit dhe famës që fitoi me bashkëpunimet e suksesshme me Nicki Minaj, David Guetta etj.
Bukuroshja shqiptare ka publikuar në profilin e saj në “Instagram” një fotografi, ku shihet përkrah këngëtares së famshme Britney Spears, teksa ka thënë se është ndjerë e lumtur që ka arritur të jetë pranë saj.
“Momente të mrekullueshme duke dëgjuar një nga idhujt e mi të performojë në MTV 2016”, kanë qenë fjalët e saj.
