Djali i tyre erdhi në jetë rreth tre muaj më parë, por prindërit e rinj Andrra dhe Sinan Hoxha vendosën që ta prezantonin tani me botën vogëlushin e tyre.
Këngëtari, i cili provoi në moshën 40-vjeçare emocionet e pritjes së fëmijës së tij të parë, ndau me fansat një foto të familjes së tij.
Sinan Hoxha postoi për herë të parë ditën e djeshme një foto të djalit të tij 3-muajsh Ansi. Tashmë është ende herët për të thënë se tiparet e kujt ka marrë vogëlushi, i cili mbahej në mes të dy prindërve të tij i veshur me këmishë të bardhë dhe pantallona gri.
Ajo që bie në sy është Andrra, e cila dukej në formë me fustanin blu të gjatë.
Ansi erdhi në jetë rreth mëngjesin e 25 majit, në një spital privat në Gjermani. Emri i tij është bashkimi i emrave të të dy prindërve, Andrrës dhe Sinanit.
Burimi: Instagram
