Duket e pabesueshme por kanë kaluar plot 16 vjet që kur është publikuar për herë të parë hiti “Ushtari i rrugës”.
Sot, pikërisht pas gjithë këtyre viteve, vokalisti i grupit NRG Band ka publikuar një cover të këngës, në një video në Instagram.
Besnik Qaka shihet teksa luan në piano melodinë e këngës së famshme që në vitin 2002 na bëri të gjithëve të ndihemi pakëz “ushtarë rruge”.
“Ushtari i rrugës”, 16 vite më parë. E vjetër por e artë”, shkruan Besniku në Instagram.
Grupi “Ritmi Rrugës” i krijuar në vitin 1995 përbëhej nga Memli Krasniqi dhe Arbër Reçi, të cilët hoqën dorë nga muzika në vitin 2004. Memli vendosi të futej në politikë duke u bërë pjesë e Partisë Demokratike të Kosovës, ndërsa Arbëri punonte në një universitet.
I vetmi që nuk hoqi dorë nga muzika është Besnik Qaka, i cili ka risjellë këtë cover fanstastik për të gjithë nostalgjikët.
