Edhe pak ditë ju ndajnë nga fillimi i sezoni të provimeve dhe të gjithë keni filluar të mendoni se si do t’i mësoni gjithë ato libra voluminozë? Ankthi dhe stresi janë dy ndër faktorët kryesorë që iu bllokojnë dhe nuk ju lënë t’i përvetësoni siç duhet njohuritë për të shkëlqyer ditën e provimit.
Një rol të rëndësishëm për të pasur një përqendrim sa më të mirë dhe një kujtesë të fortë luajnë edhe ushqimet që ju do të konsumoni gjatë këtyre ditëve.
Për të rritur nivelin e përqendrimit nevojitet të konsumoni disa lloje ushqimesh.
Qumështi i bajameve
Proteinat që ai përmban ju ndihmojnë të rrisni përqëndrimin. Kujtesa juaj bëhet më efektive dhe gjithashtu rrit edhe energjinë. Pas një gote qumështi bajamesh ju nuk do të ndiheni të lodhur dhe studimi do të jetë më efektiv.
Lëngjet nga boronica
Janë të pasura me antioksidantë që mbrojnë qelizat e trurit nga dëmtimet dhe me vitaminën C që ndihmon në kujtesë.
Pije nga çokollata e zezë
Çokollata e zezë ndihmon në rritjen e kujtesës, në reagimet tuaja dhe aftësitë për zgjidhjen e problemeve.
