Si mund ta mbrojmë lëkurën nga dielli? Ideja e parë që ju shkon ndër mend janë produktet kozmetike, pavarësisht se harrojmë se disa prej përbërësve të tyre mund të reagojnë negativisht. Në këtë mënyrë duhet të kujdeseni të ushqeheni në mënyrën e duhur.
Përbërësit aktivë
Shtojcat dietike mund të nxisin një nxirje të shëndetshme të lëkurës. Me përmbajtje seleni, beta-karotene dhe vaj borage ky përbërës është i pasur me antioksidiantë, që neutralizon veprimin e radikaleve të lira dhe në trup shndërrohet në vitaminë A, e rëndësishme për lëkurë të shëndetshme dhe sy të shëndetshëm. Përveç kësaj ndihmon edhe të merrni ngjyrë.
Dietë plot ngjyra
Ju mund të gjeni beta-karotene në të gjitha ushqimet me ngjyrë të kuqe, të verdhë, portokalli dhe vjollcë. Ushqimet tipike të verës dhe pranverës, të tilla si kajsi, luleshtrydhe, pjeshkë, domate, pjepër, karota janë të pasura me vitaminë A, e pranishme edhe në perimet me gjethe jeshile, të tilla si spinaq dhe sallatë.
Acidi lipoik
I rëndësishëm për të parandaluar dhe luftuar dëmin e radikaleve të lira është acidi lipoik, i pranishëm në disa perime si spinaqi, brokoli dhe patatet. Për më tepër, ai mund të merret si një shtojcë. Likopene, i cili është me bollëk tek domatet, ndihmon për të stimuluar rigjenerimin e kolagjenit dhe e mban lëkurën elastike.
Ushqime të shijshme
Hani pjeshka, karrota, luleshtrydhe, kivi, manaferra, rrush të kuq, boronica dhe mango, të pasura me vitaminë A. Frutat mund t’i shoqëroni edhe me kos. Frutat janë të mira për të luftuar urinë gjatë ditës dhe hidratuar trupin tuaj kur keni marrë rreze dielli.
Plot me vitamina
Sipas vlerësimeve nga gatimi perimet humbasin 20% të vitaminës A. Ndaj mundohuni t’i gatuani sa më pak të jetë e mundur. Përdorimi i tyre në sallatë është i përkryer. Ndaj mos harroni: Nxirja e lëkurës fillon në tryezë!
Burimi: TgCom 24
