Paris Hilton mori një propozim përrallor nga i dashuri i saj, aktori Chris Zylka. Jo vetëm propozimi magjik, por edhe diamanti i stërmadh i unazës së saj u bë kryefjala e çdo medie.
Një unazë që na dukej shumë e njohur, dikujt tjetër ja kemi parë në dorë, por se kujt nuk na kujtohej. “TMZ” arriti të zbulonte se unaza e Paris Hilton është ekzaktësisht si ajo e reperes së njohur, Cardi B.
Çifti Cardi B dhe Offset janë pyetur nga gazetarët se çfarë mendimi kanë për unazën e Paris Hilton-it, që erdhi një muaj pas së tyres.
“Është komplet njësoj. I njëjti model, i njëjti diamant”, u shpreh Offset, që zgjodhi unazën për të dashurën e tij.
Ndërsa Cardi B e komentoi kështu unazën e Paris Hilton-it.
“Është e bukur”, tha ajo.
Pavarësisht se ngjajnë si identike, dy unazat kanë një ndryshim midis tyre. Unaza e Cardi B-së ka një diamant 11 karatësh, ndërsa e Paris Hilton-it një diamant 20 karatësh.
Burimi: TMZ
