Një lajm i mirë na vjen sot nga situata e COVID-19 në vend ku numri i rasteve të reja ka rënë ndjeshëm në 33 të prekur në 24 orët e fundit!
Eugena Tomini nga Instituti i Shëndetit Publikbëri me dije se shpërndarja gjeografike e të identifikuarve pozitivë në 24 orët e fundit është si vijon: 23 të prekur në Tiranë, 8 në Shkodër dhe nga 1 rast në Pogradec dhe Kamëz.
Por lajmi i keq është se vijon të ketë shtrime të reja te qytetarëve që kanë nevojë për trajtim spitalor. Aktualisht në shërbimin infektiv po trajtohen 82 pacientë, 10 prej tyre janë në terapi intensive, ndërsa 1 është i intubuar. Dje iconstyle.al bëri me dije se situata është alarmante brenda Infektivit (lexo këtu).
Problemi numër 1 janë kushtet higjienike skandaloze me banjot e pista ku higjena duhet të ishte maksimale. Gjithashtu raportohet edhe një mungesë uji që është i domosdoshëm dhe jetik në ditët e sotme.
Çfarë është akoma më shqetësuese është fakti që mjekët janë akoma më indiferentë dhe mësohet se duhet të kesh lidhjet e duhura me stafin drejtues të spitalit, që pacientët të mund të marrin vëmendjen e duhur.
Në vendin tonë janë aktualisht 792 persona aktivë me COVID-19, kryesisht në Tiranë, Shkodër, Durrës.
Ministria e Shëndetësisë dhe Mbrojtjes Sociale apelon për vetëndërgjegjësim qytetarët, që të jenë të kujdesshëm në zbatimin e masave të vendosura: për të ruajtur distancën fizike prej 1.5 metër nga njëri tjetri, për të ruajtur higjienën personale dhe për të mbajtur maskat kudo ku nuk respektohet dot distanca.
COVID-19 – Statistika (22 Qershor 2020):
Testime totale 23692
Raste pozitive 1995
Raste të shëruara 1159
Raste Aktive 792
Humbje jete 44 (Qarku Tiranë 24, Durrës 9, Fier 4, Vlorë 1, Shkodër 5, Kukës 1)
Shpërndarja gjeografike e rasteve aktive sipas qarqeve:
Tiranë 366
Durrës 150
Shkodër 133
Vlorë 54
Fier 37
Korçë 18
Lezhë 14
Elbasan 10
Kukës 8
Gjirokastër 1
Berat 1
