Detaje të reja janë mësuar për 66-vjeçarin nga Fieri të infektuar me koronavirus.
Ai ka marrë pjesë në ditëlindjen e nënës së tij, të organizuar në një lokal në qendër të Patosit.
Bëhet me dije se 66-vjeçari, ka dorëzuar te mjekët listën e personave të pranishëm në festë, shkruan “Dosja.al”.
Gjithashtu mësohet se pacienti, ka qenë në avion me 73-vjeçaren nga Durrësi, e cila është viktima e parë në vendin tonë nga koronavirusi.
Sakaq, numri i të prekureve me koronavirus në vendin tonë ka shkuar në 33.
Harta e të prekurve është zgjeruar në Durrës, Rrogozhinë, Lushnje dhe Elbasan.
Tirana ndërkohë mban vendin e parë me 19 të infektuar.
Ushtria dhe policia prej dy ditësh ndodhen në terren, për të mbikëqyrur zbatimin e urdhërit të qeverisë, për kufizimin e lëvizjeve.
Kryeministri Edi Rama ka urdhëruar ndërprerjen e qarkullimit të makinave deri të dielën në mesnatë, si pjesë të masave për të frenuar sa më shumë përhapjen e virusit të rrezikshëm.
Gjithashtu janë mbyllur shkollat, lokalet, call center-at dhe fasoneritë.
