Prokurori Saimir Smaka u shpreh në gjyqin e së hënës për masakrën e Selenicës, se autori 24-vjeçar Ritvan Zykaj e ka pranuar autorësinë e krimit të 8-fishtë, pasi kishte konflikte të hershme me viktimat të cilët e akuzonin se ishte hajdut.
Një ndër detajet më të rënda të kësaj tragjedie, ishte se autori kishte filmuar viktimat dhe videon ia kishte nisur kushëririt të tij Olardio Hoxhaj. Në aktakuzën e Prokurorisë përshkruhet se kushëriri e kishte fshirë menjëherë filmimin e tmerrshëm që i erdhi në telefon, i urdhëruar nga i ati.
“Pas drekës Olardio hapi telefonin. Po behëj gati të kthehej për ne Panaja kur u zverdh i gjithë nga mesazhi që pa në Facebook . Nuk kishte parë kurrë diçka të tillë ndaj duke bërtitur thirri të atin Spartakun. O ba, shiko ç’më dërgoi Ritvani. Ishte një filmim ku në oborrin e një shtepie pak më tej, dukeshin dy njerëz të shtrirë për toke. Shtëpia ngjante si e Demirit. Fshije e urdheroi i ati, ç’janë këto gjëra kaq të renda. Ku e gjete? Por me pas tingelloi telefoni, u duk sikur edhe ai theri ajrin lagjes fshat ne Resulaj” – shkruan në “Facebook” gazetarja e kronikës së zezë Anila Hoxha, bazuar në dëshmitë e familjarëve të viktimave.
Xhaxhi i autorit të masakrës Sadik Zykaj, ka komunikuar në telefon me të ëmën e Ritvanit dhe në gjendje të rënduar psikologjike i ka pohuar asaj se djali kishte vrarë me armë zjarri shtetasit Azem dhe Afërdita Zykaj. Në të njëjtën kohë, Sadik Zykaj ka komunikuar në telefon me policinë të cilën e ka njoftuar për ngjarjen e ndodhur.
Burimi: Panorama
