Hoveljando Zykaj, është vëllai i autori të masakrës së 8-fishtë në Selenicë, i cili bashkëpunoi me Policinë duke bindur të vëllain të vetëdorëzohej. Burime për “Panoramën” janë shprehur se ai kishte biseduar me të vëllain, tre vite më të vogël se ai, me mesazhe ku i kishte kërkuar që të mos fshihej më.
I vëllai e pyeste vazhdimisht se ku ishte dhe ai gjatë gjithë kohës i tregonte se ishte rrotull fshatit, nuk ishte larguar. Ndërsa 24-vjeçari Ritvan Zykaj, ka shfaqur për herë të parë pendesë për krimin e kryer, në një nga mesazhet që i ka dërguar Hovelajdos.
“Bobo çfarë kam bërë!” – i ka shkruar autori i masakrës të vëllait.
Momente përpara se telefoni t’i fikej, ai ka treguar edhe vendin se ku po fshihej, mes disa kallamishteve të njohur nga banorët e fshatit Resulaj si “Çezma e misrit”.
Burimet thanë, se pasi është rrethuar nga efektivët e RENEA-s, 24-vjeçari nuk ka bërë rezistencë, duke ngritur menjëherë duart lart.