Këngëtari Butrint Imeri është një ndër këngëtarët e rinj më të preferuar të momentit. Ai është shumë i pëlqyer nga gjinia femërore dhe kjo për faktin se shumica e këngëtave të tij u kushtohet atyre ose dashurisë.
“Bella” është një ndër këngët e tij verore më të suksesshme, e cila pa diskutim është shndërruar në hit. Dhe sigurisht që kjo këngë e ka frymëzimin tek një femër shumë e bukur.
Vajza që dyshohet se i ka rrëmbyer zemrën këngëtarit, duket të jetë prezantuesja shqiptare Kiara Tito. Te një nga fotografitë e fundit që prezantuesja në fjalë ka publikuar në llogarinë e saj zyrtare në Instagram, ka qenë këngëtari Imeri ai i cili ka komentuar “Bella” në mbishkrimin e fotografisë.
Dhe ka qenë pikërisht ky koment “molla e sherrit” që ka bërë më pas që ndjekësit të vërshojnë me komente, duke shkruar se ajo qenka “Bella” që i ka kënduar Butrinti.
Ndërkohë, mamaja e prezantueses Tito, iu është kthyer disa komentuesve me replikime, duke pranuar se “po”, këngën “Bella”, Butrinti e ka shkruar për të.
Më pas, ka qenë vetë Kiara ajo e cila i ka bllokuar komentet në fotografinë e saj, pas debateve të nënës së saj me komentueset.
Ajo çfarë e përforcon më tepër hipotezën se dyshja në fjalë mund të jenë vërtet, është fakti se në vitin 2016 ata ishin përfolur për një lidhje, thashetheme të cilat më pas u shuan pa detaje.
