Dasma e Princit Harry dhe Meghan Markle do të mbahet të shtunën më 19 maj të vitit të ardhshëm.
Lajmi konfirmohet nga Pallati Kensington, ku pas shumë raportimeve të mediave u caktua data e martesës.
Çifti kanë konfirmuar fejesën e tyre muajin që shkoi, ndërsa kanë treguar që ceremonia do të zhvillohet në Kishën St George në Kështjellën e Windsor.
Familja Mbretërore do të paguajë dasmën, duke përfshirë shërbimin, muzikën, lulet dhe pritjen.
Gjithashtu, Pallati Kensington ka konfirmuar që Harry dhe Meghan do të kalojnë Krishtlindjet së bashku me Mbretëreshën në Sandringham.
