Ismail Morina i njohur si Ballisti do të ekstradohet në Serbi, pavarësisht të gjitha përpjekjeve. Kjo është ajo që ka vendosur Gjykata e Dubrovnikut, pas rishqyrtimit të vendimit të Gjykatës së Shkallës së Parë.
Vendimi është marrë pak ditë më parë në një seancë me dyer të mbyllura, duke refuzuar kështu edhe kërkesën e Ballist Morinës për azil politik.
Nga ana e tyre, familjarët, FSHF por edhe shteti shqiptar ka ngritur zërin kundër këtij ekstradimi, duke i vënë në dispozicion gjykatës kroate edhe dokumentacionin, që sipas tyre Morina nuk duhet t’i dorëzohet autoriteteve serbe.
Por pas rishqyrtimit të të gjithë dokumentacionit, Gjykata e Dubrovnikut nuk ka ndryshuar vendim.
Ditë më parë Gjykata e Lartë e Zagrebit vendosi ta rikthejë çështjen e tifozit kuqezi që ngriti dronin në Beograd, për rishqyrtim në Gjykatën e Shkallës së Parë.
