Pak më parë në media u tha se deputeti Kujtim Gjuzi ka dhunuar ish-bashkëshorten dhe djalin e tij 16-vjeçar.
Për këtë arsye “Shqiptarja.com” shkruan se nga gjykata atij i është dhënë urdhër që të mos i afrohet më shumë se 200 metër, ish-bashkëshortes dhe djalit të tij.
Por lidhur me këto lajme ka reaguar vetë deputeti dhe për “Dosja.al” ka treguar se ky është thjesht një pretendim i bashkëshortes.
“Nuk është e vërtetë që kam rrahur ish-gruan dhe djalin 16 vjecc. Madje edhe pretendimi i ish-bashkëshortes është se kam dhunuar djalin, e jo atë vetë. Megjithatë ky urdhër mbrojtjeje është apeluar nga unë dhe avokatët e mi në gjykatë “, ka thënë Kujtim Gjuzi.
Kujtim Gjuzi i dha fund martesës me ish-gruan pak kohë pasi u bë deputet dhe tani ka treguar se është kokë e këmbë i dashuruar me një vajzë, identitetin e së cilës nuk e ka bërë të ditur.
