Ditën e sotme, deputetja Rudina Hajdari ka bërë një deklaratë prekëse.
Gjatë fjalimit të saj në seancën plenare, tregoi se ashtu si shumë gra të tjera shqiptare ka qenë viktimë e dhunës dhe jo e asaj psikologjike.
Ajo theksoi se ka qenë viktimë e dhunës kur ishte më e re dhe bëri thirrje që të merren sa më shpejt masa.
Rudina tregoi se në kohën e komunizmit, edhe nëna e saj ka rënë pre e dhunës.
“Kjo është një emergjencë kombëtare! Gratë sot nuk janë të mbrojtura, gra e vajza dhunohen çdo ditë. Më vjen keq që sot flas ende për gra e vajza që vriten çdo ditë në rrugët e Tiranës. Ju sot çfarë po bëni? Reklamoni se roli i grave po rritet, ndërkohë ato po vriten. A e kuptoni se sot ne jemi të gjitha viktima të këtij Parlamenti? Për mua ky është problem i thellë. Deklaroj para jush se edhe unë kam qenë pre dhe viktimë e dhunës. Nuk flas për dhunë psikologjike. Të gjitha jemi viktima të këtij fenomeni, edhe nëna ime ishte kur jetonte në komunizëm, edhe unë, por fëmija im nuk duhet që të jetë më viktimë e dhunës”, tregoi Rudina.
Dhuna ndaj grave në vendin tonë është kthyer në një fenomen shqetësues, pasi në vetëm 2 muaj janë vrarë 7 gra.
