Altea Jubi është një vogëlushe 2 vjeçe e gjysmë, e cila disa ditë më parë ka rënë në një tenxhere me qumësht, të përvëluar dhe është djegur në 70% të trupit.
Motra e Alteas, Vilma ishte personi i parë që kërkoi ndihmë për vogëlushen, përmes një thirrje në profilin e saj në “Facebook”.
Ajo bën me dije se e vogla ndodhet në gjendje të rëndë shëndetësore dhe mjekët u japin shumë pak shpresa për mbijetesën. Ajo shprehet se Altea është djegur në 70% të trupit e madje edhe disa organe jetësore i janë prekur, nga djegia e shkallës së lartë.
Për më tepër, siç thotë motra e të miturës nga Peqini, familja e tyre është në vështirësi ekonomike dhe e ka të vështirë të mbulojë shpenzimet, për kurimin e Alteas.
“Pershendetje të gjithëve … Motra ime e Vogel vetëm 2 vjecare është duke luftuar me jetën. Eshtë djegur 70% e trupit dhe ka plagë shumë tv thella në trup .. ju lutem shumë të gjithëve të bashkohemi për ta shpëtuar këtë ëngjëll të Vogël …. Sado pak qoftë ndihma juaj monetare për ne është shumë … Shpërndajeni këtë post të lutem .. Vogelushja meriton të jetojë si të gjithë moshatarët edhe ajo duhet të ngrihet të luajë e të qeshë është ëngjëll krejt I pafajshëm… Të sensibilizohemi të gjithë e ta shpetojmë”, shkruan ajo në “Facebook”.
Ndërsa në një postim sot lidhur me gjendjen e motrës, Vilma ka shkruar:
“Analizat e Alteas kanë dal shumë keq ka organe të dëmtuara si veshkat dhe zorret gjaku është helmuar dhe po i bëhet ndërrimi i gjakut .. Më falni që jua vonuam pak rezultatet por më besoni nuk kam pasur mundesinë ti bëj publike”.
Të atin e Alteas mund ta kontaktoni në +355692351673, mund të ndihmoni duke kontribur në llogarinë bankare: AL35202112400000000001291920
