Elvana Gjata ngjalli debat dje me një postim ku uroi festën e Fitër Bajramit për të gjithë besimtarët myslimanë!
Edhe pse i përket fesë katolike, këngëtarja vendosi t’i urojë fansat e saj myslimanë në këtë ditë të veçantë.
“Gëzuar festen e Fitër Bajramit të gjithë besimtarëve Myslimanë! #eidmubarak”, shkruante ajo në postimin në Instagram.
Por fotoja e përzgjedhur me disa gra myslimane të mbuluara duke u falur, ngjalli shumë debat në mesin e fansave të cilët nuk e pranonin lidhjen e fotos me situatën në Shqipëri.
“Ok gëzuar, por kjo foto nuk ka të bëjë më islamin në Shqipëri. Është qesharake, lidhet më shumë me islamin në vendet arabe ose gjetkë”!
“Foto e frikshme, më kap panik”.
“Çfarë janë këto hije të bardha na fëlliqe Shqipërinë”.
Me gjitha këto kritika, Elvana ka reaguar menjëherë duke fshirë foton e bujshme. Sot nuk gjendet në profilin e saj fotoja e urimit për Bajram, dhe kjo ndoshta ishte një mënyrë e këngëtares për të shmangur debate të mëtejshme.
Disa prej fansave të saj e quajtën një gjest fisnik këtë postim të lëngëtares, duke qenë se ajo i përket besimit katolik:
“Bravo @elvanagjataaaa pavarësisht që s’je myslimane, e urove Bajramin në mënyrën më të mirë dhe të sinqertë të mundshme. Yll”.
Megjithatë Elvana nuk priti më gjatë për ta fshirë postimin! Të jetë penduar vallë?
