Askush nuk e priste që aktori turk Burak Deniz dhe aktorja Busra Develi, t’i jepnin fund historisë së tyre të dashurisë. Dhe atëherë kur mendohej se do të ecnin drejt altarit, nisën thashethemet për ndarjen dhe u konfirmuan nga vetë çifti!
I ftuar mbrëmjen e djeshme në ditëlindjen e aktores Hazal Kaya, Burak Deniz u pyet sërish për ndarjen. I inatosur, aktori shpjegoi se është hera e shtatë që e bën këtë deklaratë dhe askush nuk e beson.
“Është hera e shtatë që flas për këtë pjesë! Jemi ndarë o njerëz, përse nuk e besoni. Një marrëdhënie nis dhe në shumë raste përfundon, është normale. Ne kemi nisur rrugë të ndryshme.” – tha aktori Burak Deniz.
Pak muaj më parë, Busra dhe Burak publikuan filmin e tyre të parë së bashku “Arada”. Mirëpo sipas mediave turke, vëmëndja që i është kushtuar aktorit turk, ka irritur partneren e tij, duke shkaktuar debate mes tyre.
