“Bir Umut Yeter” është seriali më i ri që ka nisur transmetimin në Turqi, ku aktor kryesor është dhëndëri i Shqipërisë, Tolgahan Sayisman.
Dhe që të rregjistrojë seritë e reja të serialit, aktorit turk i duhet të qëndrojë me javë të tëra larg nga shtëpia dhe e shoqja, Almeda Abazi. E kjo e fundit, duket se nuk po e përjeton mirë largësinë mes tyre. Ditën e sotme, ajo ka rrëmuar mes kujtimeve të kësaj vere dhe ka publikuar në profilin e saj në “Instagram”, një foto të shkrepur gjatë argëtimit në Tiranë.
“Më mungon zemra ime” – shkruan Almeda Abazi, krahas fotos.
Në ditët e para të muajit qershor, aktori turk Tolgahan Sayisman mbërriti për herë të parë në Shqipëri, në tokën e bashkëshortes së tij. Gjatë vizitës, ata nuk lanë pa mbjellë edhe një pemë në sheshin Skënderbej, për të falenderuar edhe Kreun e Bashkisë, Erion Veliaj për mikpritjen e tij.
