Rreth dy javë pas krimit makabër në Tiranë, policia ka arritur të zbardh vrasjen e 49-vjeçares Lirie Xhepa.
Në pranga ranë dy persona, kunati i viktimës, Dashamir Xhepa dhe një tjetër person me inicialet M. S., që ndihmoi autorin.
49-vjeçarja ishte nëne e dy djemve dhe kishte humbur bashkëshortin disa vite më parë. Lirie Xhepa mësohet se ishte në konflikt të vazhdueshëm me njerëzit e burrit. Viktima dhe autori ishin fqinjë në lagjen “Qershori”, në Kombinat.
Trupi i viktimës u gjet e hedhur pranë liqenit të Sharrës përmbys dhe e veshur lehtë, më 13 shkurt.
49-vjeçarja ishte larguar nga banesa atë mbrëmje pa lënë adresë. Pasi nuk erdhi as në mëngjes, djemtë e saj shkuan në komisariatin nr.6 për të denoncuar zhdukjen dhe aty morën edhe lajmin se nëna e tyre ishte ekzekutuar.
