Rreth dy vite më parë mediat raportuan se, këngëtari Arjan Korkaj ishte futur në burg për disa javë në Amerikë. Por ai vendosi të sqaronte për herë të parë historinë e ngjarjes mesnatën e së premtes gjatë emisionit “Zonë e lirë”. Ai mohoi faktin e arrestimit për arsyen se e drejtonte makinën në gjendje të dehur, ndërsa sqaroi se në paraburgim kishte qëndruar vetëm 2 ditë.
“Nuk isha i dehur, por ngaqë devijoja rrugën se isha duke dërguar një mesazh dhe policinë e kisha mbrapa. Polici këmbëngulte se isha i pirë. Më bën testin e alkoolit në polici dhe më doli 0, por nuk ishin të bindur”, tregoi Korkaj.
Ndërsa arrestimi i tij ndodhi në Florida, ai kujton se kushtet e paraburgimit ishin skandaloze.
“Ishin të ndarë në grupe që të mbizotëronin njëri-tjetrin. Ishim 27 veta në një sallë të vogël, aty hanim, aty flinim”, kujton Arjan Korkaj.
I nisur dhe nga historia e tij, Korkaj ka bërë një këngë dedikuar emigrantëve. Por nga ana tjetër ai u shpreh që mund të heqë dorë nga muzika, pasi do që të përkushtohet në krijimin e një familjeje.
/Iconstyle.al
