Shefi i Urgjencës Kombëtare, Skënder Brataj ka reaguar për herë të parë pas lajmit se është infektuar me koronavirus.
Ai shprehet në një njoftim në Facebook, se sado masa që të marrësh është normale të infektohesh nëse je në frontin e luftës kundër COVID-19.
Aktualisht Brataj është mirë dhe po kurohet në shtëpi, nga ku shprehet se do të punojë si të gjithë.
Postimi i plotë:
Mirmbrëma të gjithëve.
Ju falenderoj pa masë për interesimin tuaj të sinqertë. Vërtet është shumë emocionuese për mua ky reagim solidariteti nga ana juaj. Unë aktualisht kam një gjendje të lehtë të sëmundjes dhe tani po kurohem në banesë. Temperatura ime në këtë moment është vetëm 37,5 nga 39,5 që ishte dy ditë më parë.
Ne personeli mjekësor dhe mbështetës, nuk i shmangemi dot betejës, linjës së parë për të cilën jemi përgatitur.
Është normale, që sado masa parandaluese të marrësh, në front mund të dëmtohesh në këtë luftë të padukshme, ndërsa Ju mundeni të ekspozoheni sa më pak.
Bëhuni ju të padukshem për koronavirusin!
Qëndroni në shtëpi!
Tani edhe unë do të punoj nga banesa për disa kohë, sepse mundet!
Të gjithë bashkë do t’ia dalim!
Ju përshëndes.
