Poeti dhe autori i dhjetëra hiteve në muzikën shqiptare, Agim Doçi, ka qenë i ftuar special në episodin e radhës të #Expuls nga Ronaldo Sharka në ekranin e RTV Ora.
Ndër të tjera Doçi foli edhe për faktin se rreth 11 vite më parë Bujar Nishani e ka dekoruar, por sipas tij, Rama nuk i jep pensionin, i cili është plot 50 mijë lekë të reja, për titullin “Mjeshtër i Madh”.
“Seç është një Engjëll Agaçi, sekretar i përgjithshëm. Ai mesa duket ka ndonjë udhëzim qe mos t’ma japin pensionin sepse unë nuk e di me kë parti jam, unë di me kë nuk jam Ronaldo. Vlera është 50 mijë lekë të reja por mua nuk më dhimbsen dhe as kam ndërmend t’i lutem Ramës. Rama ik”- u shpreh ai.
Gjatë programit ai gjithashtu foli edhe për këngëtaren e njohur Ronela Hajatin dhe ‘përplasjen’ që kanë pasur së bashku.
Duket se gjërat mes tyre po shkojnë shumë mirë dhe ai i uron asaj suksese në “Eurovizion”.
Kur u pyet nga Ronaldo Sharka për këngën “Sekret” ai tha që nuk e ka pasur asnjëher problem që Ronela të fitonte.
“Asnjëherë nuk kam pasur problem. Madje për fatin e mirë të jurisë, ishim unanimisht ta merrte Ronela Hajati sepse është një vajzë me një adrenalinë të veçantë që sfidon edhe skeptikët.”- u shpreh ai.
Për njerëzit në rrjet që mendojnë se ai është kundër këngës së Ronelës, Agim Doçi tha se do ta kenë ngatërruar me ndonjë tjetër Agim.
