Me shumë drone që kemi parë në “Big Brother Vip Albania” për Luiz Ejllin, u vërtetua se deri më tani ai është i preferuari i publikut. Së fundmi, një dron ka mbërritur edhe në shtëpinë e “Big Brother Vip Kosova” për njërin nga banorët. Bëhet fjalë për Stresin, i cili u pa mjaft i lumtur për surprizën nga fansat.
“Stresi jemi me ty, Shqipëri Etnike”, shkruhet në dronin që mbërriti në “BBVK.”
Stresi, po vazhdon të jetë një nga emrat më të diskutuar në “Big Brother VIP Kosova”.
Në këtë eksperiencë të tij, përpos gjithçkaje më shumë ka folur për ish-partneren e tij, Kejsin. Në një bisedë me Xhulin, se fundmi Arkimed Lusha ka përmendur sërish sëmundjen e saj duke u shprehur se më shumë i dhemb kjo se ndarja e tyre.
“Nuk dua që të vijë këtu që ta shohin. Mjafton vetëm të pranojë që të takohemi. Jo që nuk ka pranuar po ajo jeton në Kanada dhe bën dy punë atje. E nxjerr lekun më së miri punon në bankë. Punon shumë. Nganjëherë më vjen gjynah se nuk ka kohë që të dalë as fundjavave”, u shpreh ai.
“E kam të vështirë të përshtatem me një femër. Nuk është histori gjashtëmujore por është diçka që ka zgjatur gjashtë vjeç e gjysmë. Nuk mund t’i them detajet. Vetëm të jetë mirë. Më ka vrarë më shumë se ajo ka tumor se nuk më ka vrarë mua ndarja, në kuptim e fjalës se çfarë më ka bërë plaga e saj që ka. Kuptoje një vajzë si ajo, ka dy punë, ka pasur ndarjen tonë mbi kurriz, tumorin në kokë. Më dhimbsen njerëzit shumë”, vazhdoi më tej reperi.
