Rrjeti i njohur social, “Twitter”, ka lëshuar zyrtarisht lejimin e 280 karaktereve në një postim.
Siç njoftoi kompania, ata të cilët përdorin platformën në 35 gjuhë mund të përdorin dyfish më shumë mesazhe.
Platforma nisi këtë veçori vetëm te një numër i limituar i përdoruesve në formë testimi, ndërsa tani ka lëshuar limitin e karaktereve nga 140 deri në 280 për të gjithë përdoruesit.
Pavarësisht rritjes së limitit, “Twitter” parashikon që shumica e përdoruesve do të mbajnë postimet e shkurtra.
Në një postim në një blog, menaxherja e produkteve të kompanisë, Aliza Rosen, shkroi se vetëm 5 për qind e postimeve ishin më të gjata se 140 karaktere gjatë fazës së testimit, ndërsa vetëm dy për qind ishin mbi 190 karaktere.
Ndërisa disa përdorues mendojnë se ndryshimi do të shkatërrojë atë që ‘Twitter’-in e bën ‘Twitter’, të tjerët kanë gjetur mënyrë argëtuese për situatën e sapokrijuar.
“Dhe nipërit e mi, kështu filloi lufta e tretë botërore”: shkroi njëri nga përdoruesit.
“Vërtetë mendoni se amerikanët mund të durojnë kufirin prej 280 shenjave? Nuk vijmë këtu të lexojmë kolumna”: shkroi një përdorues tjetër.
Paratestimet treguan se vetëm një për qind e përdoruesve ka shfrytëzuar kapacitetin prej 280 shenjave, dy për qind kanë pasur mesazhe më të gjata se 190 shenja, ndërsa rreth pesë për qind kaluan pragun prej 140 shenjave.
Ndryshimi nuk do të ndërlidhet me gjuhën e Lindjes së largët, sikur japonishtja, gjuha koreane dhe kineze.
