Një deklaratë e këngëtarit Sinan Vllasaliu kundrejt reperëve, Mozzik dhe Don Xhon, u shpërnda shumë në rrjetet sociale.
Ai u shpreh gjatë një interviste për RTV ORA, se teksti i dy artistëve është “turp i botës”.
“A është normal ky, çka i duket mirë, çka janë këto fjalë, ky është turpi i botës, nëse e merr gjuhën e rrugës të bësh karrierën kjo është zero, nuk kam koment.”– u shpreh Sinani.
Së fundmi ka ardhur edhe një reagim nga reperi i njohur, Mozzik, i cili me anë të një komenti në Facebook u shpreh se këngëtarin do ta ftojë në synetin e të birit.
“Faleminderit Axha Sinan. Besën e Zotit e ke që m’fal Zoti djalë, n’syneti t’tij ti ki me qenë këngëtari.” – tha Mozzik.
Ndërsa, deri më tani akoma nuk është bërë një replikë nga reperi tjetër i përfshirë në ngjarje, Don Xhoni.
Këngëtarët nga ana tjetër janë ndër më të kërkuarit në treg dhe kanë korrur sukses të madh me këngët e tyre jo vetëm në Shqipëri, por edhe në shumë vende të tjera të botës.
Ata po vazhdojnë të bëjnë muzikë e të jenë prezentë në mbrëmje e koncerte të ndryshme për të kënaqur fansat e tyre.
