Më 25 prill, “iconstyle.al” dha lajmin se Orinda Huta do të braktiste televizionin “Vizion Plus” dhe do të ndiqte të njëjtat hapa si të bashkëshortit të saj Turjan Hysko! Ata do të nisnin një fazë të re të karrierës televizive nën logon e televizionit “Klan”.
Lajmin e ka konfirmuar mbrëmjen e sotme, vetë Turjan Hysko, i cili në një intervistë me “tvklan.al” tregon se Orinda është bërë pjesë e televizionit “Klan”.
“Orinda ka ardhur në Tv Klan. Në dijeninë time, ajo ka mbyllur një kontratë ku do të bëjë “Jo vetëm modë” dhe do të jetë tek juria e “Këngës Magjike”. – është shprehur moderatori.
Por mes kaq shumë angazhimesh në projektet e reja, a kanë kohë për të qëndruar bashkë Turi dhe Orinda?!
“Orinda nuk ka si të ngelet pas dore, pasi dita për mua mbyllet në orën 7:00 dhe unë jam i lirë. Duke qenë në të njëjtin zanat ne e mirëkuptojmë njëri-tjetrin. Unë kam një avantazh që nuk fle natën, kështu që e kompensojmë”,- përfundon Turjan Hysko.
Moderatori tregoi se ka dëshirë të qëndrojë gjatë në televizionin “Klan” dhe po punon shumë për këtë fakt. Në sezonin e ri, ai do të vijë me dy projekte, “Familja” dhe “Duplex”.
